‘તારી દૂધીનું કદ પણ તારા જેટલું જ છે’ યુવરાજ સિંહે યુઝવેન્દ્ર ચહલ પર કરી અભદ્ર ટિપ્પણી, પોસ્ટ થઈ વાયરલ
ભૂતપૂર્વ ભારતીય બેટ્સમેન યુવરાજ સિંહ તેની ઝડપી બેટિંગ માટે જાણીતા હતા. તેણે 6 બોલમાં 6 સિક્સર ફટકારીને એવું પરાક્રમ કર્યું હતું, જે લોકો માત્ર સપનામાં જ વિચારતા હતા. આ દિવસોમાં યુવરાજ સિંહ સોશિયલ મીડિયા પર ખૂબ જ એક્ટિવ જોવા મળે છે. તે અવારનવાર સોશિયલ મીડિયા પર કોઈના ફોટો કે વીડિયો પર કેટલીક અનોખી કોમેન્ટ કરે છે. આ વખતે પણ તેણે આવું જ કર્યું છે. તેણે ભારતીય સ્પિનરના ફોટા પર આવી કોમેન્ટ કરી જેનાથી હંગામો મચી ગયો.
ભારતીય સ્પિનર યુઝવેન્દ્ર ચહલ Instagram પર એકદમ એક્ટિવ દેખાય છે. ચહલ ઘણીવાર લોકોના ફોટા પર કોમેન્ટ કરીને લોકોની મજાક ઉડાવે છે. આ વખતે યુવરાજ સિંહે ચહલ પર નિશાન લગાવ્યો છે. યુવરાજ સિંહ એ ચહલના ફોટા પર એવી કમેન્ટ કરી કે બધા હસશે.
ચહલે તેના ઇન્સ્ટાગ્રામ (INSTAGRAM) પર એક ફોટો શેર કર્યો છે જેમાં તે એક દૂધી પકડેલો જોવા મળી રહ્યો છે. આ ફોટોને કેપ્શન આપતા ચહલે લખ્યું, ‘હું શરત લગાવું છું કે મારા દૂધીનો શોટ સ્ટેડિયમની બહાર ગયો હશે. શું તમે સંમત છો જીતેન્દ્ર ? ચહલના આ ફોટો પર કોમેન્ટ કરતાં યુવરાજ સિંહે લખ્યું, ‘લાગે છે કે તમારા દૂધીની સાઈઝ તમારા જેટલી જ છે.’
તમને જણાવી દઈએ કે, હાલમાં જ એક વેબ સિરીઝ ‘પંચાયત’ રિલીઝ થઈ છે. આ વેબ સીરિઝમાં બતાવવામાં આવ્યું છે કે જ્યારે પણ પંચાયત સચિવ પ્રધાનના ઘરે જાય છે, ત્યારે તે તેમને દૂધી આપે છે. જેના કારણે તેણે દૂધીની પોસ્ટ કરી હતી.
યુઝવેન્દ્ર ચહલે IPL 2022માં સૌથી વધુ વિકેટ લઈને પર્પલ કેપ જીતી હતી. તેણે સમગ્ર સિઝનમાં 27 વિકેટ પોતાના નામે કરી હતી. જોકે, તેની ટીમ રાજસ્થાન રોયલ્સ ફાઇનલમાં ગુજરાત ટાઇટન્સ સામે હારી ગઈ હતી.
