વિક્કી કૌશલ ખોલ્યા પત્ની કેટરિના કેફ સાથે જોડાયેલા કેટલાક રહસ્યો, જાણો કપલનું બોન્ડિંગ
વિકી કૌશલ અને કેટરિના કૈફ બોલિવૂડના પાવર કપલ્સમાંથી એક છે, જેમના ફેન્સ હંમેશા તેમની જોડીને જોવાની રાહ જોતા હોય છે.તેમના લગ્નના વીડિયો અને તસવીરો સોશિયલ મીડિયા પર વાયરલ થઈ હતી. વિકી કૌશલ તેની પત્ની કેટરિના કૈફ પર પ્રેમ વરસાવવાનો કોઈ મોકો છોડતો નથી. તે જ સમયે, વિકી કૌશલે પત્ની કેટરિના વિશે એક મોટો ખુલાસો કર્યો, જેની ચર્ચા દરેક જગ્યાએ થઈ રહી છે.
વાત જાણે એમ છે કે વિક્કી કૌશલએ એક ઈન્ટરવ્યુમાં તેના જીવન વિશે ઘણા ખુલાસા કર્યા હતા જેમાં તેણે જણાવ્યું હતું કે, કેટરીના આવ્યા બાદ તેના જીવન પર શું અસર પડી છે અને કેટલો બદલાવ આવ્યો છે. વિકી કૌશલે એક ઈન્ટરવ્યુમાં કહ્યું કે, ‘કેટરિના કૈફે મારા જીવનના દરેક પાસાઓ પર ઊંડી અસર કરી છે. હું ખૂબ નસીબદાર છું કે મને તેમના જેવો જીવનસાથી મળ્યો છે, કારણ કે તે ખૂબ જ બુદ્ધિશાળી છે અને તે એક દયાળુ વ્યક્તિ પણ છે. વિકીએ આગળ કહ્યું કે, ‘તે તેની પાસેથી દરરોજ કંઈક શીખે છે’.
View this post on Instagram
કેટરિના કૈફ અને વિકી કૌશલના સંબંધોની શરૂઆત વર્ષ 2018માં કરણ જોહરના શોથી થઈ હતી જ્યાં કેટરીનાએ કહ્યું હતું કે તેને લાગે છે કે વિકી કૌશલ અને તેની જોડી ખૂબ જ સુંદર લાગશે, જે સાંભળીને વિકી કૌશલ ખૂબ જ ખુશ થયો. આ પછી, તેમના સંબંધોના સમાચારોએ વેગ પકડ્યો અને પછી 9 ડિસેમ્બર 2021 ના રોજ, કેટરિના કૈફ અને વિકી કૌશલે સવાઈ માધોપુરની સિક્સ સેન્સ હોટલમાં ધામધૂમથી લગ્ન કર્યા
View this post on Instagram
બંનેના વર્ક ફ્રન્ટ વિશે વાત કરીએ તો, વિકી કૌશલ તેની આગામી ફિલ્મની રિલીઝની રાહ જોઈ રહ્યો છે. લક્ષ્મણ ઉત્રેકરની ફિલ્મમાં તે સારા અલી ખાન સાથે જોવા મળશે. આ સાથે તે ભૂમિ પેડનેકર અને કિયારા અડવાણી સાથે ફિલ્મ ‘ગોવિંદા તેરા નામ’માં જોવા મળશે. બીજી તરફ કેટરિના કૈફની વાત કરીએ તો તે સલમાન ખાન સાથે ફિલ્મ ‘ટાઈગર 3’, સિદ્ધાંત ચતુર્વેદી અને ઈશાન ખટ્ટર સાથેની ફિલ્મ ‘ફોનભૂત’ અને ફિલ્મ ‘મેરી ક્રિસમસ’માં જોવા મળશે.