‘અમે હાર માની લીધી છે, અહીં નબળા માટે કોઈ જગ્યા નથી’, ગૌતમ ગંભીરે હાર બાદ લખનૌની ટીમનો લીધો ક્લાસ
IPL 2022માં અત્યાર સુધી લખનૌ સુપર જાયન્ટ્સની ટીમે શાનદાર પ્રદર્શન કર્યું છે. પ્રથમ સિઝન હોવા છતાં, આ ટીમે 12માંથી 8 મેચ જીતી છે. પરંતુ, લખનૌને મંગળવારે ગુજરાત ટાઇટન્સ સામે શરમજનક હારનો સામનો કરવો પડ્યો હતો. પ્રથમ બેટિંગ કરતા ગુજરાતે 144 રન બનાવ્યા હતા. જવાબમાં લખનૌની આખી ટીમ 82 રનમાં ઓલઆઉટ થઈ ગઈ હતી. લખનૌના બેટ્સમેનો પુરી 20 ઓવર પણ રમી શક્યા ન હતા. આ હારથી ટીમનો મેન્ટર ગૌતમ ગંભીર ઘણો નારાજ હતો. મેચ બાદ તેણે ડ્રેસિંગ રૂમમાં ખેલાડીઓની ઉગ્ર ક્લાસ લીધી હતી. તેનો વીડિયો લખનઉ સુપર જાયન્ટ્સે તેમના ઈન્સ્ટાગ્રામ એકાઉન્ટ પરથી શેર કર્યો છે.
ગૌતમ ગંભીરે વીડિયોમાં કહ્યું, “હારવામાં કોઈ નુકસાન નથી. ક્રિકેટની રમતમાં એક ટીમ હારે છે અને એક જીતે છે. પરંતુ અમે ગુજરાત ટાઇટન્સ સામે હાર સ્વીકારી હતી. આજની સરખામણીમાં અમે ઘણા નબળા હતા અને IPL જેવી ટુર્નામેન્ટમાં નબળા માટે કોઈ સ્થાન નથી. અમે પહેલા પણ સારું ક્રિકેટ રમ્યું છે અને સારી ટીમોને હરાવી છે. પરંતુ, આજની મેચ જોઈને એવું લાગી રહ્યું હતું કે અમને રમતની કોઈ સમજ નથી. ગુજરાતે આ મેચમાં સારી બોલિંગ કરી, તેમાં કોઈ શંકા નથી. આંતરરાષ્ટ્રીય ક્રિકેટ રમતા બોલરો પાસેથી પણ એવી જ અપેક્ષા રાખવામાં આવે છે અને અમે આ પ્રકારના પડકાર માટે દિવસ-રાત પ્રેક્ટિસ કરીએ છીએ. આવી સ્થિતિમાં આપણે બોધપાઠ લેવો જોઈએ.”
View this post on Instagram
લખનૌની ટીમ 82 રનમાં ઓલઆઉટ થઈ ગઈ હતી.
લખનૌ સુપર જાયન્ટ્સ સામે પ્રથમ બેટિંગ કરતા ગુજરાત ટાઇટન્સે 144 રન બનાવ્યા હતા. ગુજરાત તરફથી શુભમન ગીલની અડધી સદીને બાદ કરતાં કોઈ પણ બેટ્સમેન મોટી ઇનિંગ રમી શક્યો નહોતો. જીતના લક્ષ્યનો પીછો કરતા લખનૌની શરૂઆત સારી રહી ન હતી. ક્વિન્ટન ડી કોક અને કેપ્ટન કેએલ રાહુલ સસ્તામાં આઉટ થયા હતા. આ પછી ટીમનો મિડલ ઓર્ડર પણ બરબાદ થઈ ગયો હતો અને આખી ટીમ 13.5 ઓવરમાં 82 રનમાં ઓલઆઉટ થઈ ગઈ હતી. રાશિદ ખાને 4 વિકેટ લીધી હતી. જ્યારે યશ દયાલ અને સાઈ કિશોરે પણ 2-2 વિકેટ ઝડપી હતી. આ જીત સાથે ગુજરાતે પ્લેઓફમાં પોતાનું સ્થાન નિશ્ચિત કરી લીધું છે.
