’14 વર્ષની છોકરી દુઆ થઈ ગમ..’, મસ્જિદના લોકોએ કહ્યું- તે શિયા છે, અમે મદદ નહીં કરીએ..
દુઆ ઝેહરા કાઝમી, 14 વર્ષની છોકરી 16 એપ્રિલ, 2022 થી પાકિસ્તાનના કરાચીમાંથી ગુમ થઈ ગઈ છે. હજુ સુધી તેનો કોઈ પત્તો મળ્યો નથી. આ દરમિયાન, એક મસ્જિદે ગુમ થયેલી છોકરીના પરિવારજનોની અરજીને ફગાવી દીધી છે કારણ કે તે ‘શિયા’ મુસ્લિમ છે. દુઆના માતા-પિતાનો એક વીડિયો સોશિયલ મીડિયા પર જોરદાર વાયરલ થઈ રહ્યો છે. વીડિયોમાં બાળકીની માતા રડતી જોવા મળી રહી છે.
ભાવુક બનીને દુઆના પિતાએ લોકોને જણાવ્યું છે કે તેઓ તેમની પુત્રી માટે કેવી રીતે તડપી રહ્યા છે. પરંતુ મસ્જિદના લોકોએ તેમના પર કોઈ દયા ન દાખવી. તેણે કહ્યું કે, ‘જે દિવસે મારી બાળકી ગુમ થઈ, મેં મસ્જિદોમાં જઈને તેનું નામ જાહેર કરવાનો પ્રયાસ કર્યો. પરંતુ મસ્જિદના લોકોએ કહ્યું કે અમે આ નામની જાહેરાત કરી શકીએ નહીં. અહેવાલો અનુસાર, છોકરીના માતાપિતાએ દાવો કર્યો છે કે એક સ્થાનિક મસ્જિદે સાંપ્રદાયિક કારણોસર તેમની પુત્રીનું નામ જાહેર કરવાનો ઇનકાર કર્યો હતો. છોકરીના પિતાએ દાવો કર્યો કે જ્યારે તેણે દુઆના ગુમ થવા પર સ્થાનિક મસ્જિદ પાસેથી મદદ માંગી અને તેનું નામ જાહેર કરવા કહ્યું, ત્યારે તેઓએ નામંજૂર કરી, કહ્યું – ‘અમે નામ જાહેર કરી શકતા નથી, કારણ કે તે શિયા સમુદાયના છે.
પિતાએ જણાવ્યું કે દુઆ છેલ્લા દોઢ વર્ષથી સ્કૂલ પણ જતી ન હતી. જો તેની પુત્રી નહીં મળે તો તેનો પરિવાર ગવર્નર હાઉસની સામે આત્મહત્યા કરશે. દુઆની માતા કહે છે, ‘હું મારી બાળકીને જીવતી જોવા માંગુ છું. હું એક માતા છું હું ઝૈનબની જેમ તેની લાશ નહીં લઈશ. જો તેને મૃતદેહ પરત લાવવામાં આવશે તો હું તેનો મૃતદેહ ગવર્નર હાઉસની બહાર મૂકી દઈશ. એવું કહેવામાં આવી રહ્યું છે કે સિંધના સીએમ મુરાદ અલી શાહે કરાચી પોલીસ વડાને બાળકીની સુરક્ષિત રિકવરી માટે સૂચના આપી છે. પરંતુ અલ ફલાહ પોલીસ સ્ટેશનની પોલીસ પણ કરાચીના ગોલ્ડન ટાઉન વિસ્તારમાં પોતાના ઘરની બહારથી ગુમ થયેલી 14 વર્ષની બાળકીને શોધી કાઢવામાં નિષ્ફળ રહી છે.
