આવી GF રાખવા કરતાં તો સિંગલ રહેવું સારુ, બોયફ્રેન્ડ પાસેથી દર મહિને 80 લાખ રૂપિયા ‘સેલરી’ લેતી ગર્લફ્રેન્ડની વાત વાયરલ
પ્રખ્યાત ફૂટબોલર ક્રિસ્ટિયાનો રોનાલ્ડોની ગણતરી વિશ્વના સૌથી ધનિક ખેલાડીઓમાં થાય છે. સ્પોર્ટ્સ સિવાય તે પોતાની પર્સનલ લાઈફ માટે પણ હેડલાઈન્સમાં રહે છે. આ વખતે તે પોતાની ગર્લફ્રેન્ડ જ્યોર્જીના રોડ્રિગ્ઝને લઈને ફરી ચર્ચામાં છે. એક રિપોર્ટ અનુસાર, રોનાલ્ડો તેની ગર્લફ્રેન્ડને ખર્ચ માટે દર મહિને 80 લાખ રૂપિયાથી વધુ આપે છે. બ્રિટિશ મીડિયાએ ગર્લફ્રેન્ડને આપવામાં આવેલા પૈસાને ‘સેલરી’ ગણાવ્યા છે.
એક રિપોર્ટ અનુસાર, જ્યોર્જીના રોડ્રિગ્ઝને ‘બાળકની સંભાળ અને અન્ય ખર્ચાઓ’ માટે દર મહિને 83,000 પાઉન્ડ (રૂ. 82 લાખથી વધુ) આપવામાં આવે છે. આ પહેલા રોનાલ્ડોએ ગર્લફ્રેન્ડ જ્યોર્જિનાને 1.5 કરોડની કાર ગિફ્ટ કરી હતી. રોનાલ્ડો અને જ્યોર્જીના વૈભવી જીવનશૈલી જીવે છે. તેની એક ઝલક જ્યોર્જીનાના સોશિયલ મીડિયા એકાઉન્ટ પર જોઈ શકાય છે. જ્યોર્જીના અને રોનાલ્ડો 2017 થી સાથે છે.
તમને જણાવી દઈએ કે જ્યોર્જીના વ્યવસાયે મોડલ છે. તે ઘણી મોટી બ્રાન્ડ્સની જાહેરાતોમાં પણ જોવા મળી છે. ઇન્સ્ટાગ્રામ પર તેના 36 મિલિયનથી વધુ ફોલોઅર્સ છે. તેની દરેક તસવીરને લાખો લોકો લાઈક અને કોમેન્ટ કરે છે. હાલમાં જ જ્યોર્જીના પર બનેલી ડોક્યુમેન્ટ્રી ‘આઈ એમ જ્યોર્જીના’માં તેના જીવનના તમામ પાસાઓ વિશે વાત કરવામાં આવી હતી.
એક અહેવાલ મુજબ, એક સમયે સ્ટોરમાં કામ કરતી જ્યોર્જીનાની જિંદગી રોનાલ્ડો સાથે જોડાયા પછી સંપૂર્ણપણે બદલાઈ ગઈ. જ્યોર્જીના 48 કરોડના લક્ઝુરિયસ પેલેસમાં રહે છે, 55 કરોડની યાટમાં મુસાફરી કરે છે તેમજ બુગાટી, રોલ્સ રોયસ અને ફેરારી જેવી લક્ઝરી કારમાં મુસાફરી કરે છે. તેમના મહેલમાં સ્વિમિંગ પૂલ, જિમ અને ફૂટબોલ ગ્રાઉન્ડ પણ છે. રિપોર્ટ અનુસાર, તે હવાઈ મુસાફરી માટે પ્રાઈવેટ જેટનો ઉપયોગ કરે છે.
