ગજબ થઈ ગયું, સુતા સુતા મરી ગયા આ પ્રખ્યાત અભિનેતા, પ્રિયંકાથી લઈને રણવીર સિંહ સુધી બધાએ દુઃખ વ્યક્ત કર્યું

હોલીવુડ સ્ટાર રે લિઓટાનું 67 વર્ષની વયે અવસાન થયું છે. બોલિવૂડ-હોલીવુડ બંને ઈન્ડસ્ટ્રીના સ્ટાર્સ તેમના નિધનથી આઘાતમાં છે. હવે ઘણા હોલીવુડ સ્ટાર્સ સહિત ઘણા બોલિવૂડ કલાકારોએ રે લિઓટાને શ્રદ્ધાંજલિ આપી. આ યાદીમાં પહેલું નામ પ્રિયંકા ચોપરાનું છે, જેણે સોશિયલ મીડિયા પર રે લિઓટાને નમન કરતી પોસ્ટ કરી હતી. પ્રિયંકાએ એક સ્ટોરી પોસ્ટ કરી છે જેમાં તેણે એક્ટર રે લિઓટાનો ફોટો શેર કર્યો છે. આ તસવીરમાં તેમના જીવનનો સમયગાળો જણાવવામાં આવ્યો છે અને લખ્યું છે કે, ‘1954થી 2022’. આ સાથે પ્રિયંકાએ તસવીર સાથે તૂટેલા હૃદયની ઈમોજી પણ શેર કરી છે.

તેમના સિવાય રણવીર સિંહે પણ હોલિવૂડ એક્ટર રે લિઓટાને શ્રદ્ધાંજલિ આપી હતી. હકીકતમાં, રણવીરે તેના સત્તાવાર ઇન્સ્ટાગ્રામ એકાઉન્ટ પરથી પીઢ હોલીવુડ કલાકાર માટે એક પોસ્ટ પણ કરી હતી. આ પોસ્ટમાં રણવીરે સ્ટોરીમાં પ્રિયંકાની જેમ રેની તસવીર પણ શેર કરી છે. તેણે રે લિઓટાના જીવનકાળનો પણ ઉલ્લેખ કર્યો અને હાર્ટબ્રેક ઇમોજી શેર કરી. આ સાથે જેનિફર લોપેઝે પણ રેને શ્રદ્ધાંજલિ આપી હતી. જેનિફર લોપેઝે અભિનેતાની ઘણી તસવીરો શેર કરીને એક ઈમોશનલ નોટ લખી છે. આ સાથે રેન રેનોલ્ડ્સે તેના ઈન્સ્ટાગ્રામ પરથી એક પોસ્ટ પણ કરી છે. આ ભાવનાત્મક પોસ્ટમાં તેણે રે માટે લખ્યું – ‘ફની ગ્રમ્પી એન્ડ ચાર્મિંગ.’

મીડિયા અહેવાલો અનુસાર, તેણે ડોમિનિકન રિપબ્લિકમાં અંતિમ શ્વાસ લીધા. અભિનેતા અહીં તેની એક ફિલ્મનું શૂટિંગ કરી રહ્યો હતો. અહેવાલો અનુસાર, અભિનેતા આ દરમિયાન નિદ્રા લઈ રહ્યો હતો અને તે ઊંઘમાં મૃત્યુ પામ્યા.