નવી પોસ્ટમાં સબાએ ઋતિકને જાહેરમાં કહ્યું ‘માય લવ’, બંનેએ તેમના સંબંધોને કરી દીધા સત્તાવાર
તાજેતરમાં જ સબા આઝાદે ઋતિક રોશન સાથેના તેમના સંબંધોને સત્તાવાર જાહેર કર્યા છે. સબાએ ગુરુવારે તેના સત્તાવાર ઇન્સ્ટાગ્રામ એકાઉન્ટ પર તેના આગામી પ્રોજેક્ટની જાહેરાત કરી હતી, જેના પર ઋતિક રોશને પ્રથમ પ્રતિક્રિયા આપી હતી. ઈન્સ્ટાગ્રામ પર એક પોસ્ટર શેર કરતા સબાએ લખ્યું, ‘માઇ નેક્સ્ટ વિદ ઈન જેમર્સ – આજે @variety માં!! સબા આઝાદ, નમિત દાસ, ગીતાંજલિ કુલકર્ણી, રૂમાના મોલ્લા ‘મિનિમમ’માં ચમકશે. તમને જણાવી દઈએ કે સબાની આ ફિલ્મ આવતા મહિને એટલે કે જૂન 2022માં રિલીઝ થશે.
સબા આઝાદની ફિલ્મના પોસ્ટર પર પ્રતિક્રિયા આપતા ઋતિક રોશને લખ્યું, ‘યુ કિલ્ડ ઈટ’. અભિનેતાને જવાબ આપતાં સબાએ લખ્યું ‘મોન અમોર (માય લવ)’. તમને જણાવી દઈએ કે ઋતિક રોશન અને સબાના અફેરના સમાચાર ત્યારથી આવી રહ્યા છે જ્યારે તેઓ મુંબઈમાં ડિનર ડેટ પર સ્પોટ થયા હતા. આ પહેલા ઋતિક રોશને વર્ષ 2000માં ઈન્ટિરિયર ડિઝાઈનર સુઝેન ખાન સાથે લગ્ન કર્યા હતા. પરંતુ બંનેએ વર્ષ 2014માં છૂટાછેડા લીધા બાદ અલગ રહેવાનો નિર્ણય લીધો હતો. છૂટાછેડા પછી, ઋતિક અને સુઝેન ખાન તેમના બે બાળકોની સાથે મળીને સંભાળ રાખે છે.
તમને જણાવી દઈએ કે ઋતિક રોશનની પૂર્વ પત્ની સુઝૈન ખાને હાલમાં જ અરસલાન ગોની સાથે પોતાના સંબંધોને સત્તાવાર જાહેર કર્યા છે. બંને થોડા સમય પહેલા ગોવામાં પાર્ટી કરતા જોવા મળ્યા હતા. તે જ સમયે, હવે લાગે છે કે ઋતિક રોશન પણ તેના જીવનમાં આગળ વધી ગયો છે. તે સબા આઝાદને પોતાના જીવનનો હિસ્સો બનાવવા માંગે છે. સોશિયલ મીડિયા પર ઘણી વખત ઋતિક રોશન અને સબા આઝાદની તસવીરો વાયરલ થઈ ચૂકી છે. આ પહેલા ઋતિક અને સબાની એક સેલ્ફીએ ઈન્ટરનેટ પર હંગામો મચાવ્યો હતો.