પ્રેમિકા સાથે ઝડપાતા પત્ની ગુસ્સે, પતિ અને પ્રેમિકાને નગ્ન અવસ્થામાં ગામમાં ફેરવ્યા

છત્તીસગઢમાંથી એક ચોંકાવનારા સમાચાર સામે આવ્યા છે. અહીં એક યુવક અને તેની ગર્લફ્રેન્ડને નગ્ન કરીને આખા ગામમાં ફેરવ્યા છે. આ અત્યંત સંવેદનશીલ મામલો સામે આવ્યા બાદ પોલીસ-પ્રશાસનમાં દોડધામ મચી ગઈ છે. કહેવામાં આવી રહ્યું છે કે આ ભયાનક કૃત્યનો વીડિયો પણ સોશિયલ મીડિયા પર વાયરલ થયો છે. આ પછી પોલીસે આ કેસમાં અત્યાર સુધીમાં 4 લોકોની ધરપકડ કરી છે.

ઘટના કોંડાગાંવ જિલ્લાની છે. મીડિયા રિપોર્ટ્સ અનુસાર, જિલ્લાના એક ગામમાં રહેતા એક યુવકને તેની પત્નીએ તેની ગર્લફ્રેન્ડ સાથે રૂમમાં પકડી લીધો હતો. આ પછી મહિલાએ હોબાળો મચાવ્યો અને ગામલોકોને ત્યાં બોલાવ્યા. આ પછી ગામલોકોએ જાતે જ યુવક અને તેની પ્રેમિકાને સજા આપવાનું નક્કી કર્યું.

સજા હેઠળ પ્રથમ પરિણીત યુવક અને તેની પ્રેમિકાને માર મારવામાં આવ્યો હતો. આ પછી તેને નગ્ન કરીને ગામમાં ફેરવ્યા. જણાવવામાં આવી રહ્યું છે કે આ ઘટના શનિવારની છે, જેનો વીડિયો સામે આવ્યા બાદ પોલીસે કાર્યવાહી હાથ ધરી છે.

પોલીસે આ કેસમાં અત્યાર સુધીમાં 4 આરોપીઓની ધરપકડ કરી છે. પોલીસનું કહેવું છે કે વીડિયો સામે આવ્યા બાદ કાર્યવાહી કરવામાં આવી છે. અત્યાર સુધીમાં 4 આરોપીઓની ધરપકડ કરવામાં આવી છે. અન્ય આરોપીઓની શોધખોળ ચાલુ છે.