શિખર ધવન કરે છે કેટલી કમાણી? જાણી લો નેટવર્થ
IPL 2022 શરૂ થઈ ગયું છે. IPLની ટીમો પોતપોતાના ખેલાડીઓ સાથે મેદાનમાં ઉતરી રહી છે. પોતાના દેખાવની સાથે સાથે મેદાનમાં પોતાની રમતના કારણે ચર્ચામાં રહેનાર શિખર ધવને આ વખતે ‘શકલ’ લુક લીધો છે. આ પહેલાની મેચોમાં શિખર ધવન ‘ગબ્બર લુક’માં જોવા મળ્યો હતો. શિખર ધવનને પંજાબ કિંગ્સે કરોડોમાં ખરીદ્યો છે. અત્યાર સુધી શિખર ધવને IPL સિઝનમાં 192 મેચ રમી છે જેમાં તેણે 5784 રન બનાવ્યા છે. શિખરના ચાહકોને આશા છે કે શિખર આ સિઝનમાં તેના 6000 રન પૂરા કરી શકશે.
શિખર ધવન ભારતીય ક્રિકેટ ટીમનો ઓપનિંગ બેટ્સમેન છે. તેની ક્રિકેટ કારકિર્દી તેની જીવનશૈલી જેટલી જ શાનદાર છે. શિખર ધવનની ગણતરી ટીમ ઈન્ડિયાના અમીર ખેલાડીઓમાં થાય છે. 5 ડિસેમ્બર 1982ના રોજ જન્મેલા શિખર ધવન દિલ્હીનો રહેવાસી છે. તે એક બિઝનેસ ફેમિલી સાથે સંબંધ ધરાવે છે પરંતુ તેણે પોતાના દમ પર એક ભવ્ય વૈભવી જીવન બનાવ્યું છે. ચાલો જાણીએ શિખર ધવનની કમાણી, તેનું ઘર, કાર કલેક્શન અને નેટવર્થ.
શિખર ધવન પ્રથમ વખત વર્ષ 2004માં ચર્ચામાં આવ્યો હતો, જ્યારે તેની અંડર-19 ટીમમાં પસંદગી થઈ હતી. તે વર્ષના અંડર 19 ક્રિકેટ વર્લ્ડ કપમાં ધવને સાત ઇનિંગ્સમાં 505 રન બનાવ્યા હતા. તેના શાનદાર પ્રદર્શન બાદ પણ ધવને ભારતીય ક્રિકેટ ટીમનો ભાગ બનવા માટે લાંબી રાહ જોવી પડી હતી. તેણે વર્ષ 2010માં ઓસ્ટ્રેલિયા સામે વનડેમાં ડેબ્યૂ કર્યું હતું. તેણે વર્ષ 2013માં ટેસ્ટ ડેબ્યૂ કર્યું હતું અને વેસ્ટ ઈન્ડિઝ સામે ટી20માં ડેબ્યૂ કર્યું હતું.
IPL 2022માં પંજાબ કિંગ્સની ટીમે શિખર ધવનને 8.25 કરોડ રૂપિયામાં ખરીદ્યો છે. ધવન અગાઉ રાજસ્થાન રોયલ્સ અને દિલ્હી કેપિટલ્સ તરફથી પણ રમી ચૂક્યો છે.
ક્રિકેટર શિખર ધવનનું દિલ્હીમાં આલીશાન ઘર છે. તેના ઘરની કિંમત લગભગ 6 કરોડ રૂપિયા છે. દિલ્હી સિવાય ધવનની અન્ય ઘણા શહેરોમાં પણ પ્રોપર્ટી છે. મીડિયા રિપોર્ટ્સ અનુસાર શિખર ધવનનો ઓસ્ટ્રેલિયામાં એક એપાર્ટમેન્ટ છે. આ મકાનમાં તેની પત્ની અને બાળકો રહેતા હતા.
શિખર ધવન પાસે ઘણી લક્ઝરી કાર છે. તેના વાહનોના સંગ્રહમાં Audi A6, BMW 6 GT, રેન્જ રોવર સ્પોર્ટ્સ અને એક કરોડની મર્સિડીઝ કાર ખરીદી હતી.
ધવનની ગણતરી IPLના મોંઘા ખેલાડીઓમાં થાય છે. IPLમાંથી 8 કરોડની કમાણી ઉપરાંત ધવન ડોમેસ્ટિક ક્રિકેટમાંથી પણ કમાણી કરે છે. આ સિવાય શિખર ધવન પાસે BCCI A ગ્રેડનો કોન્ટ્રાક્ટ છે. મીડિયા રિપોર્ટ્સ અનુસાર, તેને BCCI તરફથી વાર્ષિક પાંચ લાખ પગાર મળે છે. શિખરને 6 લાખ અને એક T20 3 લાખ રૂપિયા સુધી મળે છે.
ક્રિકેટર શિખર ધવનની નેટવર્થ વિશે વાત કરીએ તો, તે $14 મિલિયનની નેટવર્થનો માલિક છે. ભારતીય રૂપિયામાં શિખર ધવનની કુલ સંપત્તિ 105 કરોડ રૂપિયા છે. તે મહિને 60 લાખ રૂપિયાથી વધુ અને વાર્ષિક 8 કરોડ રૂપિયાની કમાણી કરે છે. BCCI મેચો, IPL અને ડોમેસ્ટિક મેચો સિવાય શિખર ધવન બ્રાન્ડ એન્ડોર્સમેન્ટ્સથી પણ કમાણી કરે છે. તે બ્રાન્ડ એન્ડોર્સમેન્ટ માટે લગભગ 1 કરોડ રૂપિયા ચાર્જ કરે છે.
