જો તમે રાત્રે ઊંઘતા પહેલા કરશો આ નાનકડુ કામ, તો સ્કિન એટલી મસ્ત થશે કે ના પૂછો વાત

આપણા વ્યસ્ત જીવનમાં ત્વચા અને વાળની ​​સંભાળ રાખવી ખૂબ જ મહત્વપૂર્ણ છે. આજકાલ દરેક લોકો સુંદર લાગવા માટે તેમના ચહેરા પર સારા ઉત્પાદનોનો ઉપયોગ કરે છે, ત્યારબાદ ઘણી ઘરેલુ પદ્ધતિઓ અપનાવે છે જેથી તેમની ત્વચા હંમેશા જુવાન રહે. પરંતુ આ સમય દરમિયાન તમારે એ પણ કાળજી લેવી પડશે કે તમારે ફક્ત દિવસ દરમિયાન જ નહીં પરંતુ રાત્રે પણ તમારા ચેહરાની કાળજી લેવી જરૂરી છે. રાત્રે ત્વચાને સૌથી વધુ આરામ મળે છે, તેથી તેની યોગ્ય કાળજી લો જેથી તમારી ત્વચા સુંદર અને સ્વસ્થ રહે.

ફેસ-વોશનો ઉપયોગ કરો

રાત્રે સુતા પહેલા ચહેરો સારી રીતે સાફ કરો, તમારા ચેહરાને પાણીથી બરાબર ધોઈ લો, ઘણી વાર લોકો આળસના કારણે પોતાના ચેહરાને યોગ્ય રીતે સાફ કરતા નથી, સુતા પહેલા ચહેરાને ક્લીંઝરથી સારી રીતે સાફ કરો અને જો તમારી પાસે કાચું દૂધ હોય તો કાચા દૂધથી તમારો ચેહરો સાફ કરો જેથી ધૂળ અને ગંદકીનો સ્તર તમારી ત્વચા પર ના આવે.

આ તેલને ચહેરા પર લગાવો

દરેકની ત્વચા અલગ હોય છે અને જો તમારી ત્વચામાં વધુ ફોલ્લીઓ અથવા કરચલીઓ થાય છે તો સૂતા પહેલા ચહેરા પર નાળિયેર અથવા બદામનું તેલ લગાવો. આ કરવાથી તમારી ત્વચા નરમ થશે અને ત્વચા પર ગ્લો વધશે.

ફેસ ક્રીમ

અત્યારે ઠંડીના સમયમાં તમારા ચહેરાને સારી રીતે મોઇશ્ચરાઇઝ રાખવું ખૂબ જ મહત્વપૂર્ણ છે, તેથી તમારા ચહેરા પર સારી ફેસ-ક્રીમનો ઉપયોગ કરો. ફેસ-ક્રીમ તમારી ત્વચાના કોષોની શુષ્કતા દૂર કરવા માટે ઉપયોગી છે. તેથી તમારી ત્વચાને મોઇશ્ચરાઇઝ રાખવા ફેસ-ક્રીમનો ઉપયોગ જરૂરથી કરો.

એલોવેરા જેલ

જો કોઈ ક્રીમ તમારા ચહેરાને અનુકૂળ ન આવે તો તમે એલોવેરાનો ઉપયોગ કરી શકો છો. રાત્રે સુતા પહેલા તમારા ચેહરા પર એલોવેરા જેલ લગાવો.એલોવેરામાં વિટામિન અને ફોલિક એસિડ હોય છે, જે ચહેરાને નવી સુંદરતા આપે છે અને ત્વચાને ગ્લોઈંગ બનાવે છે. સૌથી પેહલા થોડું એલોવેરા જેલ ચેહરા પર લગાવો ત્યારબાદ 1-2 મિનિટ સુધી ચેહરાની સારી રીતે માલિશ કરો જેથી ચહેરાનું લોહીનું પરિભ્રમણ સારું થાય. પછી તમારો ચેહરો સાફ પાણીથી ધોઈ લો.

ચણાના લોટનું ફેસ-માસ્ક

તમારા ચેહરાનો ગ્લો વધારવા માટે રાત્રે સુતા પેહલા અહીં જણાવેલા ફેસ-પેકનો ઉપયોગ જરૂરથી કરો. સૌથી પેહલા 4 ચમચી ચણાનો લોટ, અડધી ચમચી હળદર અને તેમાં દૂધ અથવા પાણી ઉમેરીને તેની પેસ્ટ બનાવો. આ પેસ્ટને તમારા ચેહરા અને ગળા પર લગાવો જયારે તે સુકાય જાય ત્યારે થોડા ગરમ પાણીથી તમારો ચેહરો ધોઈ લો. આ ઉપાય નિયમિત અજમાવવાથી તમારા ચેહરાનો ગ્લો વધશે.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ –

આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.

આપણું પેજ “હેલ્થ ગુજરાત” માણતા રહો અને શેર કરતા રહો!

આપના સહકારની આશા સહ,

ટીમ હેલ્થ ગુજરાત