આ રીતે ઘરે બનાવો એલોવેરા તેલ, અને વાળને લગતી અનેક સમસ્યાઓને માત્ર અઠવાડિયામાં કરી દો દૂર

એલોવેરા એક શક્તિશાળી છોડ છે,જે ત્વચાથી લઈને વાળ સુધી અત્યંત ફાયદાકારક માનવામાં આવે છે.તમે એલોવેરાના જેલનો ઉપયોગ તો કરતા જ હશો,પરંતુ શું તમે ક્યારેય એલોવેરાના તેલનો ઉપયોગ કર્યો છે.તમે એલોવેરાથી વાળ માટે તેલ પણ બનાવી શકો છો.આ તેલ આ છોડમાંથી ઉત્પન્ન થતું નથી,પરંતુ તમારે તેને અન્ય પ્રકારનાં તેલ સાથે મિક્સ કરીને ઘરે જ એલોવેરા તેલ બનાવવું પડશે.

એલોવેરામાં ઓલિવ તેલ,જોજોબા તેલ,એરંડા તેલ અથવા નાળિયેર તેલ પણ ભેળવી શકાય છે.પરંતુ જો તમે ઈચ્છો તો તમે એલોવેરામાં નાળિયેરનું તેલ પણ મિક્સ કરી શકો છો કારણ કે નાળિયેર તેલ દરેક ઘરમાં ઉપયોગમાં લેવામાં આવતું એક સરળ તેલ છે.એલોવેરા અને નાળિયેર તેલ બંને વિટામિન અને ખનિજોથી ભરપૂર હોવાથી તેનું મિશ્રણ તમારી ત્વચા અને વાળના કોષોને મજબૂત બનાવે છે.આ તેલ લગાવવાથી ત્વચા સુંદર દેખાય છે અને સાથે ચેહરાની કરચલીઓ પણ દૂર થાય છે.વાળ અને માથાની ચામડી પર તેનો ઉપયોગ કરવાથી વાળ મજબૂત થાય છે અને ડેન્ડ્રફની સમસ્યાથી પણ છુટકારો મળે છે.

એલોવેરા તેલના ફાયદા

વાળ વધારે છે

જ્યારે તમે માથા પર એલોવેરાનું તેલ લગાવો છો,ત્યારે માથાની ચામડીમાં લોહીનું પરિભ્રમણ વધે છે.તે માથાની ઉપરની ચામડી સાફ કરે છે,વાળનો વિકાસ વધારે છે અને વાળ ખરતા ઘટાડે છે.

એલોવેરામાં વિટામિન એ,સી અને ઇ હોય છે.આ ત્રણ વિટામિન્સ વાળના કોષોને મજબૂત બનાવે છે,જેના કારણે વાળ ખરતા અટકે છે અને વાળ મજબૂત અને જાડા થાય છે.એલોવેરા જેલમાં વિટામિન બી -12 અને ફોલિક એસિડ પણ હોય છે.જે વાળને વધારવા માટે ફાયદાકારક માનવામાં આવે છે.

ડેન્ડ્રફની સમસ્યા અને ખંજવાળથી રાહત મળે છે

એલોવેરા વાળમાંથી ડેન્ડ્રફ દૂર કરે છે.1998 ના એક અધ્યયનમાં જાણવા મળ્યું છે કે એલોવેરા માથાની ઉપરની ચામડીમાં આવતી ખંજવાળને દૂર કરવામાં મદદ કરે છે,જેનાથી ડેન્ડ્રફ થાય છે.એલોવેરામાં જોવા મળતા ફેટી એસિડ્સમાં બળતરા વિરોધી ગુણધર્મો છે.જે વાળની દરેક સમસ્યા દૂર કરે છે.
એલોવેરા તેલ બનાવવા માટેની સામગ્રી.

1 એલોવેરાનું પાન

½ કપ નાળિયેર તેલ અથવા નાળિયેર તેલ સિવાય તમે જે તેલ વાપરવા ઈચ્છો તે તેલ.

એલોવેરા તેલ બનાવવાની રીત-

-પહેલા એલોવેરાના તાજા પાન લો અને તેને સાફ કરો.

-હવે કાળજીપૂર્વક પાંદડાના બાહ્ય પડને ધારવાળા ચાકુથી કાપી લો.

-ત્યારબાદ એલોવેરાના પાંદડામાં રહેલું જેલ કાઢો.

-હવે નાળિયેર તેલને જેલ સાથે મિક્સ કરો.

-જો તમે ઈચ્છો તો તેલ અને જેલ મિક્સ કરવા માટે તમે બ્લેન્ડરનો ઉપયોગ પણ કરી શકો છો.

-તમે આ તેલનો ઉપયોગ વાળ અને ત્વચા બંને માટે મોસ્ચ્યુરાઇઝર,માસ્ક અથવા તેલની જેમ મસાજ કરીને પણ કરી શકો છો.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ –

આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.

આપણું પેજ “હેલ્થ ગુજરાત” માણતા રહો અને શેર કરતા રહો!

આપના સહકારની આશા સહ,

ટીમ હેલ્થ ગુજરાત