પત્ની સિવાય રાખતો હતો અનેક ગર્લફ્રેન્ડ, ડિમાન્ડ પુરી કરવા બનાવી ગેંગ, પોલીસે CCTV સ્કેન કરીને 800 ઝડપ્યા
દિલ્હીમાં એક વ્યક્તિએ પોતાની પત્ની અને ગર્લફ્રેન્ડની ડિમાન્ડ પૂરી કરવા માટે એક ગેંગ બનાવી. આ ટોળકી શહેરમાં ઘરફોડ ચોરીના મોટા બનાવોને અંજામ આપતી હતી. પોલીસે આ ગેંગનો પર્દાફાશ કર્યો હતો અને ગેંગસ્ટર સહિત પાંચ લોકોની દિલ્હીના વિવિધ વિસ્તારોમાંથી ધરપકડ કરી હતી. તેની સામે 50થી વધુ ગુનાહિત કેસ નોંધાયેલા છે.
આ ઘરફોડ ચોરી ગેંગનો લીડર આકાશ (25) નામનો યુવક છે. તેણે શેખ એહસાન અલી (24), બદ્રેલમ (23), રાજેશ (24) અને મોહમ્મદ ઝિયાઉદ્દીન (52) સાથે મળીને એક ગેંગ બનાવી. પોલીસે તેમની પાસેથી 49 મોંઘી ઘડિયાળ, રોકડ, 21 લાખ રૂપિયાથી વધુની કિંમતના ઘરેણાં અને પ્રોપર્ટીના કાગળો જપ્ત કર્યા છે.
31 માર્ચે આ ગેંગે આરકે પુરમમાં એક સરકારી કર્મચારીના ઘરને નિશાન બનાવ્યું હતું. આ પછી, સ્પેશિયલ સ્ટાફે આ બાબતના ખુલાસા માટે ઈન્સ્પેક્ટર સંજય કુંડુના નેતૃત્વમાં એક ટીમની રચના કરી હતી. દક્ષિણ પશ્ચિમ જિલ્લાના ડીસીપી મનોજ સીએ કહ્યું કે આ બાબતનો પર્દાફાશ કરવા માટે અમે લગભગ 800 સીસીટીવી ફૂટેજ સ્કેન કર્યા.
પોલીસ અધિકારીએ કહ્યું કે અમને માહિતી મળી હતી કે આ ગેંગના ચાર સભ્યોએ આરકે પુરમના એક ઘરમાંથી ઘરેણાંની ચોરી કરી હતી. આમાંથી એક સભ્ય અમારા નિયંત્રણમાં આવી ગયો છે. તેના કહેવા પર અમે કિંગપિન સહિત પાંચ સભ્યોની ધરપકડ કરી હતી. આ તમામ સભ્યો દિલ્હીના બવાનાના રહેવાસી છે. પોલીસ અધિકારીએ જણાવ્યું કે ગેંગ લીડર આકાશે તેની પત્ની અને કેટલીક ગર્લફ્રેન્ડની માંગણી પૂરી કરવા માટે ગેંગ બનાવી હતી.
