શું તમે વાળ ખરવા અને તૂટવાની સમસ્યાથી પરેશાન છો? તો હેર વોશ કર્યાના એક કલાક પહેલા વાળમાં લગાવો બેકિંગ સોડા શેમ્પૂ
વાળ તૂટવા અને ખરવા એ એક સામાન્ય સમસ્યા છે. વધતા પ્રદૂષણ અને ખરાબ આહારને કારણે વાળ નબળા પડે છે અને તૂટવા લાગે છે. એટલું જ નહીં, વાળ સાથે સંબંધિત અન્ય સમસ્યાઓ પણ ધૂળ અને ગંદકીને કારણે ઉદ્ભવે છે. આવી સ્થિતિમાં વાળને યોગ્ય કાળજીની જરૂર હોય છે. વાળની સફાઈ માટે યોગ્ય શેમ્પૂનો ઉપયોગ કરવો પણ ખૂબ મહત્વનું હોય છે.
હકીકતમાં વાળ માટે યોગ્ય શેમ્પૂ પસંદ કરવાનું હંમેશા મુશ્કેલ કાર્ય રહ્યું છે. ઘણી વાર આપણે ડૉક્ટરની સલાહ પર શેમ્પૂનો ઉપયોગ કરીએ છીએ, તો ઘણી વખત જાહેરાત જોઇને આપણે બજારમાંથી શેમ્પૂ ખરીદતા હોઈએ છીએ. મોટેભાગે આ શેમ્પૂ વાળ પર યોગ્ય રીતે કામ કરતા નથી અને વાળ પહેલા કરતાં વધુ તૂટવા લાગે છે. ઘરે બનાવેલ બેકિંગ સોડા શેમ્પૂ વાળના મૂળમાંથી ગંદકી દૂર કરે છે અને તેને મજબૂત બનાવે છે.
બેકિંગ સોડા શેમ્પૂ બનાવવા માટે જરૂરી ઘટકો
ઘરે બેકિંગ સોડા શેમ્પૂ બનાવવા માટે એપલ સાઇડર વિનેગર, પાણી અને બેકિંગ સોડાની જરૂર પડશે.
શેમ્પૂ બનાવવાની રીત:
– એક બાઉલમાં અડધો કપ બેકિંગ સોડા લો.
– બાઉલમાં સોડા કરતા ત્રણ ગણું વધારે પાણી ઉમેરો.
– આ મિશ્રણને એક સ્પ્રે બોટલમાં ભરો.
– એક અલગ બાઉલમાં, અડધો કપ એપલ સાઇડર વિનેગર અને તેનાથી ચાર ગણું વધુ પાણી મિક્સ કરો.
– પછી તેમાં લવેન્ડર એસેંશિયલ ઓઇલના થોડા ટીપાં ઉમેરો અને તે મિશ્રણને એક સ્પ્રે બોટલમાં ભરો.
કેવી રીતે વાપરવું
– બેકિંગ સોડા શેમ્પૂનો ઉપયોગ કરવા માટે, સૌથી પહેલા તમારા વાળ પાણીથી ભીના કરો.
– આ પછી, સ્પ્રે બોટલ વડે વાળ પર શેમ્પૂનો છંટકાવ કરવો.
– બંને હાથથી વાળ અને માથાની ચામડીને સારી રીતે માલિશ કરો.
– લગભગ 10 મિનિટ પછી વાળને ઠંડા પાણીથી ધોઈ લો.
– હવે વાળમાં કન્ડિશનર તરીકે એપલ સાઇડર વિનેગર અને લવેન્ડર ઓઇલનું મિશ્રણ લગાવો.
– 5 મિનિટ પછી વાળને નવશેકા પાણીથી ધોઈ લો.
બેકિંગ સોડા શેમ્પૂના ફાયદા:
– તેલયુક્ત વાળ અને તૈલીય સ્કેલ્પ ઉપરની ચામડીની સમસ્યાથી છુટકારો મેળવવા માટે બેકિંગ સોડા શેમ્પૂ ફાયદાકારક છે. તે વાળમાંથી તેલને સંપૂર્ણપણે શોષી લે છે.
– બેકિંગ સોડામાં એન્ટી-ફંગલ અને એન્ટી બેક્ટેરિયલ ગુણ હોય છે. તે ચેપ અને રૂસીની સમસ્યાઓ સુધારવામાં મદદ કરે છે.
– બેકિંગ સોડા વાળમાંથી પરસેવાની દુર્ગંધ દૂર કરવામાં પણ મદદ કરે છે.
આ રીતે, બેકિંગ સોડા શેમ્પૂ તૂટતા અને ખરતા વાળ માટે ખૂબ ફાયદાકારક છે. તે ઘરે જ સરળતાથી બનાવી શકાય છે અને તેનાથી વાળ સંબંધિત તમામ સમસ્યાઓથી છૂટકારો મળે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત
