ભારતના આ ખેલાડીને આગળનો કેપ્ટન બનાવો, દુનિયા આખી જીતી જશો, જાણો કોનું નામ છે ચર્ચામાં

પાકિસ્તાનના પૂર્વ ફાસ્ટ બોલર શોએબ અખ્તરે ભારતીય ક્રિકેટ ટીમને દુનિયા પર રાજ કરવાની મોટી સલાહ આપી છે. શોએબ અખ્તરના કહેવા પ્રમાણે, જો ટીમ ઈન્ડિયાએ દુનિયા પર રાજ કરવું હોય તો કોઈ સ્ટાર ભારતીય ક્રિકેટરને નવો કેપ્ટન બનાવવો પડશે.

શોએબ અખ્તરે શ્રેયસ અય્યરને ભવિષ્યમાં ભારતીય ટીમની કેપ્ટનશીપનો સૌથી મોટો દાવેદાર માને છે. શોએબ અખ્તરે એક ઈન્ટરવ્યુમાં કહ્યું, ‘શ્રેયસ અય્યર આઈપીએલમાં પોતાની કેપ્ટન્સી બતાવી રહ્યો છે અને ભારતીય ટીમની કેપ્ટનશિપ માટે મજબૂત દાવો પણ રજૂ કરી રહ્યો છે. તે ભારતીય ટીમમાં પોતાનું સ્થાન નિશ્ચિત કરવા જ નહીં પરંતુ ટીમની કેપ્ટનશીપ પણ કરવા માંગે છે.

શોએબ અખ્તરે વધુમાં કહ્યું, ‘શ્રેયસ અય્યર પોતાને સાબિત કરી રહ્યો છે. શ્રેયસ અય્યરે આઈપીએલમાં રન બનાવવા અને લીડ કરવાનું ચાલુ રાખવું જોઈએ. મને ખાતરી છે કે તે આવનારા સમયમાં સફળ કેપ્ટન બની શકશે. શોએબ અખ્તરે પણ ભારતીય બેટ્સમેન અજિંક્ય રહાણે વિશે પોતાનો અભિપ્રાય આપ્યો છે. શોએબ અખ્તરે કહ્યું, ‘અજિંક્ય રહાણેએ KKR દ્વારા આપવામાં આવેલી તકોનો લાભ લેવો જોઈએ અને હાર ન માનવી જોઈએ. આશા છે કે તે શાનદાર પ્રદર્શન કરવાનું ચાલુ રાખશે.

તમને જણાવી દઈએ કે વિરાટ કોહલી બાદ રોહિત શર્મા ટીમ ઈન્ડિયાની કપ્તાની સંભાળી રહ્યો છે, પરંતુ BCCI એવા ખેલાડીની શોધમાં છે જે ભવિષ્યમાં રોહિત શર્મા બાદ ટીમ ઈન્ડિયાની કેપ્ટનશીપ કરી શકે. રોહિત શર્મા બાદ ટીમ ઈન્ડિયાની કેપ્ટનશિપ માટે 3 ખેલાડીઓને વિકલ્પ તરીકે જોવામાં આવી રહ્યા છે, જેમાં રિષભ પંત, કેએલ રાહુલ અને જસપ્રિત બુમરાહનું નામ સામેલ છે, પરંતુ આ દરમિયાન શ્રેયસ અય્યર પણ દાવો રજૂ કરી રહ્યો છે. શ્રેયસ અય્યર હાલમાં આઈપીએલમાં કોલકાતા નાઈટ રાઈડર્સની કેપ્ટનશીપ કરી રહ્યો છે.