વિટામીન ડી શરીર માટે છે ખૂબ જ જરૂરી, જાણો તેના મુખ્ય સ્ત્રોતો વિશે અને પૂરી કરી દો વિટામીન ડીની ઉણપને
ચરબી ઘઠાડો – વિટામિન ડીથી
વિટામિન ડીની ઉણપ આજના જમાનામાં ખુબ જ મોટી અને ગંભીર સમસ્યા બની રહી છે. જુના જમાનામાં લોકો ખેતરમાં પરસેવો વહાવતા તેમજ તડકાનો ભરપૂર આનંદ લેતા હતા, જેનાથી તેમનામાં ક્યારેય વિટામિન ડીની ઉણપ સર્જાતી જ નહોતી. અને તેઓ વિટામિન ડીની ઉણપને કારણે થતાં રોગોથી દૂર રહેતા હતા. આ જે અમે તે જ બાબતે તમને વિસ્તારપૂર્વક જાણકારી આપવા જઈ રહ્યા છીએ.
વિટામિન ડી શરીર માટે કેમ જરૂરી છે.
આપણે ખોરાક દ્વારા આપણા શરીરમાં જે કેલ્શિયમ અને ફોસ્ફરસ લઈએ છીએ તેને પચાવવા માટે આપણા શરીરમાં વિટામિન ડી હોવું ખુબ જરૂરી છે. જો વિટામિન ડીની શરીરમાં ઉણપ હોય તો કેલ્શિયમ અને ફોસ્ફરસને શરીર પચાવી નહીં શકે અને તે શરીરમાં નિરુપયોગિ પદાર્થ બનીને પડ્યા રહેશે. જેના કારણે આપણા હાડકા નબળા પડશે, દાંત પણ નબળા પડશે અને પથરીની ફરિયાદો પણ ઉભી થશે. આમ જોવા જઈએ તો સીધી જ રીતે વિટામિન ડી તમારા હાડકાં તેમજ દાંતને મજબુત બનાવે છે અને અન્ય બિમારીઓથી પણ દૂર રાખે છે. કેટલાએ આધુનિક સંશોધનમાં એ પ્રમાણિત થઈ ગયું છે કે વિટામિન ડી કેન્સર, મેદસ્વિતા અને ડાયાબિટીસ જેવા ગંભીર રોગોથી રક્ષણ આપવા માટે ખુબ જ અસરકારક છે.
કહેવાય છે કે બાળકના જન્મ બાદ, તેના માટે માતાનું દૂધ અમૃત સમાન હોય છે, તેવી જ રીતે તેના જન્મ બાદ પ્રથમ વર્ષમાં તેના સારા મજબુત સ્વાસ્થ્ય માટે વિટામિન-ડીનું સેવન, તેની મોટાભાગની માસપેશિઓના નિર્માણ તેમજ ચરબી ઓછી કરવામાં મદદરૂબ સાબિત થાય છે. કેનેડાની મેકગિલ યુનિવર્સિટીના ક્લીનિકલ ન્યૂટ્રિશન રિસર્ચ યુનિટના નિર્દેશક હેપ વીલરે જણાવ્યું કે, “અમે વિટામિન-ડી દ્વારા બાળકોમાં ન તો માત્ર સ્વસ્થ હાડકાનું નિર્માણ કરવાં પણ સ્વસ્થ માસપેશિઓ અને ઓછી ચરબીના પ્રમાણની સંભાવના જાણવા માટે ઉત્સુક હતા”.
આ તારણની તપાસ કરવા માટે સકંશોધકોએ ક્યૂબેક પ્રદેશના 132 બાળકો પર અભ્યાસ કર્યો. આ દરમિયાન આ બાળકોને 1થી 12 મહિનાસુધીના વિવિધ તબક્કાઓમાં વિટામિન-ડીના પૂરક ડોઝનું સેવન કરાવવામાં આવ્યું. સંશોધકોએ બાળકોની માસપેશિઓ તેમજ ચરબીના માંસને માપવા માટે, બોડી સ્કેનરની મદદથી હાડકાની ડેનસિટીનું આકલન કાઢ્યું.
સંશોધન પ્રમાણે, ત્રણ વષર્ની ઉંમર સુધી જે બાળકોમાં વિટામિન-ડીનું ઉચ્ચ સ્તર હતું,તેવા બાળકોમાં સરેરાશ 450 ગ્રામ ઓછી ચરબી જોવા મળી. આ તારણોએ બાળકના પ્રથમ વર્ષમાં મજબૂત હાડકાના વિકાસ માટે, રોજ 400 યુનિટ વિટામિન-ડીને પૂરક ડોઝ આપવાના મહત્ત્વને ટેકો આપ્યો છે.
વિટામિન ડીના મુખ્ય સ્રોતો
વિટામિન ડીના શાકાહારી સ્રોતો
ભારતીય ગાયનું દૂધ અને તે દૂધથી બનેલા બધા જ પદાર્થ વિટમિન ડી નો સારો સ્રોત છે. આ ઉપરાંત વિટામિન ડીનો મુખ્ય સ્રોત સવારે 6થી 8 વાગ્યાનો તડકો…શરીરને ખુલ્લુ કરી તડકાને સીધો જ શરીર પર પડવા દો… આ ઉપરાંત મશરૂમ, બદામનું દૂધ, ટોફૂ (સોયાબિનનું પનીર) વિગેરેનું પણ સેવન કરી શકો છો.
આખું અનાજ વિટામિન ડીનો સારો સ્રોત છે. તેના માટે આખા અનાજને સીધું જ શેકી લેવું. અથવા સીંગ-ચણાવાળાની ભઠ્ઠીમાં શેકાવી લેવું. આપણા વડવાઓ આજે પણ ક્યાંક ક્યાંક જેમ કે રાજસ્થાન, મધ્યપ્રદેશ, ઉત્તર પ્રદેશ વિગેરે વિસ્તારોમાં ચણા તેમજ ઘઉંને આખા જ શેકાવીને ખાય છે. તેનાથી શરીરની વિટામિન ડીની જરૂરિયાત પૂરી થાય છે અને સાથે સાથે ઉચ્ચ સ્તરનું ફાયબર પણ મળી જાય છે, જે અનેક રોગોથી શરીરને દૂર રાખે છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત