સુંદર અને નિષ્કલંક ત્વચા મેળવવા માટે અજમાવો આ અસરકારક રીત, વાંચો આ લેખ અને જાણો…
આજની જીવનશૈલીમાં, ઘર અને નોકરી ની જવાબદારીઓ ને લીધે, લોકો એક દિવસમાં કેટલી જગ્યાએ દોડે છે ? આ દોડ દરમિયાન તેઓ ઘણી જગ્યાઓના સંપર્કમાં પણ આવે છે, જ્યાં ધૂળ અને ગંદકી નું પ્રમાણ ખૂબ વધારે હોય છે, અને તેથી જ જ્યારે આપણે સાંજે ઘરે પહોંચીએ છીએ ત્યારે આપણો ચહેરો સંપૂર્ણ પણે ધૂળ અને ગંદકીથી ઢંકાયેલો હોય છે.
ચહેરાની આ સુસ્તીથી છુટકારો મેળવવા માટે આપણે વિવિધ પ્રકારના ફેસ માસ્ક અને ફેસ સ્ક્રબ નો ઉપયોગ કરીએ છીએ. આજે આ લેખમાં અમે તમને એક એવા ઘરેલુ ઉપાય વિશે જણાવવા જઈ રહ્યા છીએ જે તમારા ચહેરાની સુંદરતાને વધારી શકે છે, અને તે ઉપયોગી સાબિત થશે. અમે જે દેશી રેસિપીની વાત કરી રહ્યા છીએ તે દૂધ છે. તેનો ઉપયોગ કરવાથી તમારી ત્વચા સુંદર અને આકર્ષક બની શકે છે. તો ચાલો જાણીએ દૂધના ઉપયોગથી ત્વચાને ક્યાં ફાયઓ થાય છે.
ક્લીન્ઝર જેવી અસર :
ત્વચા પર ધૂળના કારણે ત્વચાના મૃત કોષો ચહેરા પર જમા થાય છે. આ સમસ્યા તમારા ચહેરાને ખૂબ જ ખરબચડો બનાવે છે. દૂધ માત્ર તમારી ત્વચાને જ સાફ નહી કરે, પરંતુ તમારી ત્વચાની ચમક પણ વધારે છે. એક ચમચી દૂધને તમારા બંને હાથથી ઘસો અને તેને તમારા ચહેરા પર સારી રીતે લગાવો અને પછી તમારા ચહેરાને સ્વચ્છ અને ચમકદાર રાખવા માટે હળવા હાથથી મસાજ કરો.
ત્વચાને મોઇશ્ચરાઇઝ કરે છે :
જો તમારી ત્વચા ખૂબ જ રફ હોય તો દૂધ એક શ્રેષ્ઠ વિકલ્પ છે. દૂધમાં લેક્ટિક એસિડ ભરપૂર હોય છે. જે તમારી ત્વચામાં ભેજ જાળવી રાખે છે. ચહેરાના ભેજને જાળવી રાખવા માટે એક ચમચી દૂધથી ત્વચા પર માલિશ કરો. નિયમિત રીતે આમ કરવાથી તમારા ચહેરા પરના ડાઘ તરત જ દૂર થઈ જશે.
ત્વચાને સ્વસ્થ રાખે છે :
દૂધમાં પોષક તત્વો ભરપૂર પ્રમાણમાં હોય છે. તમે તમારી ત્વચાને સ્વસ્થ બનાવવા માટે દૂધનો ઉપયોગ કરી શકો છો. હકીકતમાં દૂધ તમારી ત્વચાને સાફ કરે છે. તે ત્વચાના છિદ્રોને ખોલે છે જે ત્વચાને યોગ્ય પોષણ પ્રદાન કરે છે. જો તમે રોજ તમારા ચહેરા પર કાચું દૂધ લગાવો છો, તો તમારી ત્વચાની બધી ગંદકી દૂર થઈ જશે. આ માટે ચહેરા પર ઠંડુ દૂધ લગાવી પંદર મિનિટ રહેવા દો અને પછી ચહેરા ને પાણીથી ધોઈ લો. નિયમિત રીતે આ ઉપાય કરવાથી તમારી ત્વચા સુંદર અને આકર્ષક બનશે.