વરસાદની ઋતુમાં આ વસ્તુઓનું સેવન ટાળો નહીતર સ્વાસ્થ્ય પર વધી શકે છે જોખમ

વરસાદમાં શરદી અને વાયરલ થવાનું જોખમ વધારે છે. આ સિઝનમાં રોગોથી બચવા માટે, તમારા આહાર પર વિશેષ ધ્યાન આપવાની જરૂર છે પરંતુ, શું તમે જાણો છો કે આ સિઝનમાં કઈ વસ્તુઓ ટાળવી જોઈએ. એક તરફ વરસાદી માહોલ લોકો ને ગરમીથી રાહત આપે છે.

તે જ સમયે, મોસમી રોગો નું જોખમ પણ વધે છે. આ ઋતુમાં દરેક અન્ય વ્યક્તિ શરદી, ઉધરસ અને તાવથી પરેશાન છે. આવી સ્થિતિમાં થોડી બેદરકારી તમારા સ્વાસ્થ્ય માટે હાનિકારક બની શકે છે. આ ઋતુમાં ખાવા –પીવા ની બાબતમાં કાળજી રાખવી જોઈએ. ચાલો જાણીએ કે આ સિઝનમાં કઈ વસ્તુઓથી બચવું જોઈએ.

પાલક :

પાલક, મેથી, બાથુઆ, રીંગણ, કોબી જેવી વસ્તુઓ વરસાદની ઋતુમાં ન ખાવી જોઈએ. આરોગ્ય નિષ્ણાતોના મતે, વરસાદની ઋતુમાં બેક્ટેરિયલ અને ફંગલ ઇન્ફેક્શનનું જોખમ સૌથી વધુ વધે છે. આ સિવાય પાંદડાવાળા શાકભાજીમાં જંતુઓ સરળતાથી ઉગે છે, જેનું સેવન કરવાથી પેટની સમસ્યા થઈ શકે છે. તેથી, આ શાકભાજી ખાવાનું ટાળવું જોઈએ.

દહીં :

ચોમાસામાં દહીં જેવી ડેરી ની પ્રોડક્ટ્સ ટાળવી જોઈએ. કારણ કે આ સિઝનમાં દહીંમાં વધુ બેક્ટેરિયા વધે છે. તેનાથી પેટની સમસ્યા થઈ શકે છે. આથી વરસાદની ઋતુમાં દહીં ખાવાનું ટાળવું હિતાવહ છે.

માછલી :

ચોમાસા નો સમય દરિયાઈ જીવો અને માછલીઓ ના સંવર્ધનનો સમય છે. આ ઋતુમાં પાણી પ્રદૂષિત થાય છે, અને આ ગંદકી માછલી ને ચોંટી જાય છે. તેનાથી ફૂડ પોઇઝનિંગ નું જોખમ વધી શકે છે. માછલીનું સેવન સ્વાસ્થ્ય માટે હાનિકારક હોઈ શકે છે.

સલાડ :

સલાડ સ્વાસ્થ્ય માટે ફાયદાકારક છે. પરંતુ આ સિઝનમાં કોઈપણ કાચા શાકભાજી ખાવાનું ટાળવું જોઈએ. આ સિવાય કાપેલા ફળો અને શાકભાજી ખાવાથી નુકસાન થાય છે.

સ્ટ્રીટ ફૂડ :

સ્ટ્રીટ ફૂડ અને તળેલી વસ્તુઓ ચોમાસામાં ટાળવી જોઈએ. આ સિઝનમાં ખુલ્લા શાકભાજી અને ફળો ખાવા સ્વાસ્થ્ય માટે હાનિકારક છે. એટલા માટે ડોક્ટરો સ્ટ્રીટ ફૂડ ખાવાથી દૂર રહેવાની સલાહ આપે છે. આ સિવાય આ વસ્તુઓ તમારા પાચનતંત્રને પણ ધીમું કરે છે. વરસાદમાં પકોડા, સમોસા વગેરે ખાવાનું ટાળો. કારણ કે આ વસ્તુઓ સારી રીતે પચતી નથી, તો તે પેટને લગતી સમસ્યાઓ વધારી શકે છે.

લાલ માંસ :

વરસાદમાં પાચન પ્રક્રિયા ધીમી પડી જાય છે. જેના કારણે ડોક્ટરો બહારની વસ્તુઓ ખાવાનું ટાળવાની સલાહ આપે છે. આ ઋતુમાં માંસાહારી વસ્તુઓ ન ખાવી જોઈએ.