શું તમે ડેન્ડ્રફની સમસ્યાથી પરેશાન છો ? તો આ ઉપાયો અપનાવીને તમારી સમસ્યા દૂર કરો.

ડેન્ડ્રફ વાળની સૌથી સામાન્ય સમસ્યાઓમાંની એક છે. આવું ત્યારે થાય છે જ્યારે સૂકી ત્વચાના નાના ટુકડા માથા પરની ચામડીમાંથી બહાર આવવા લાગે છે. આ સામાન્ય રીતે માથા પરની ચામડીની મૃત ત્વચામાંથી બને છે. ડેન્ડ્રફથી થવાના ઘણા કારણો હોઈ શકે છે, જેમાં માથા પરની ચામડી સંબંધિત સમસ્યાઓ, વાળને યોગ્ય રીતે સાફ ન કરવા, માથા પર વધારે તેલ લગાવવું, ફૂગ વગેરે જેવી કેટલીક બાબતોનો સમાવેશ થાય છે. ઘણા લોકો ડેન્ડ્રફની સમસ્યા દૂર કરવા માટે ઘણી ટ્રીટમેન્ટ કરાવે છે, છતાં ટૂંક સમયમાં આ સમસ્યા પહેલા જેવી જ થવા લાગે છે. પરંતુ શું તમે જાણો છો કે તમારા ડેન્ડ્રફની સમસ્યા દૂર કરવા માટેના શ્રેષ્ઠ ઉપાય કોઈ પાર્લરમાં નહીં, તમારા ઘરમાં જ છે. જી હા, તમારા ઘરમાં હાજર અમુક ચીજોની મદદથી તમે તમારા ડેન્ડ્રફની સમસ્યા ટૂંક સમયમાં જ દૂર કરી શકશો. તો ચાલો જાણીએ આ સરળ અને શ્રેષ્ઠ ઘરેલુ ઉપાય વિશે.

ખોડો દૂર કરવા માટે ઘરેલું ઉપચાર

આરોગ્યપ્રદ ખોરાક

તંદુરસ્ત જીવનશૈલી અપનાવવાથી વાળના ફોલિકલ્સ માટે ઉપલબ્ધ પોષણ વધે છે. તે વાળ ખરવા અને ડેન્ડ્રફ ઘટાડવામાં મદદ કરે છે. આવી સ્થિતિમાં, તમે તમારા આહારમાં સલાડ, સ્પ્રાઉટ્સ અને ફળોનો સમાવેશ કરી શકો છો. આ તમારા સ્વાસ્થ્યને મજબૂત બનાવશે અને તમારા ડેન્ડ્રફની સમસ્યા દૂર કરશે.

ડુંગળીનો રસ

ડેન્ડ્રફની સમસ્યા દૂર કરવા માટે તમારા માથા પર ડુંગળીનો રસ લગાવો. તેને 20 મિનિટ સુધી રહેવા દો અને પછી ધોઈ લો. ડુંગળીના રસમાં વિટામીન, બળતરા વિરોધી અને એન્ટી માઇક્રોબાયલ ગુણ હોય છે. જે ડેન્ડ્રફની સમસ્યા ટૂંક સમયમાં જ દૂર કરે છે.

લીમડાના પાનની પેસ્ટ

તમારા માથા અને વાળ પર લીમડાના પાનની પેસ્ટ લગાવો. તેને 30 મિનિટ સુધી રહેવા દો અને પછી ધોઈ લો. આ ચેપ સામે લડવામાં મદદ કરશે જે ડેન્ડ્રફ અને વાળની અન્ય સમસ્યાઓનું કારણ બને છે.

કપૂર

નાળિયેર તેલમાં કપૂર મિક્સ કરીને માથા પરની ચામડી પર લગાવો. હવે આ મિક્ષણ માથા પર 20 મિનિટ માટે રહેવા દો. ત્યારબાદ તમારા વાળ ધોઈ લો. આ ઉપાય ડેન્ડ્રફની સમસ્યા ટૂંક સમયમાં જ દૂર કરશે.

લીંબુનો રસ

ડેન્ડ્રફની સમસ્યા દૂર કરવા માટે બે ચમચી લીંબુનો રસ બે ચમચી પાણીમાં મિક્સ કરો. આ મિક્ષણને તમારા માથા પરની ચામડી પર લગાવો. થોડીવાર પછી તેને ધોઈ લો.

યોગ કરો

તમારા વાળની ઘણી સમસ્યાઓ દૂર કરવા માટે યોગ પણ જરૂરી છે. આ માટે શિર્ષાસન અને અર્ધ શિર્ષાસન જેવા યોગાસન વાળ માટે ફાયદાકારક છે. તે વાળના મૂળમાં રક્ત પરિભ્રમણ સુધારે છે, ડેન્ડ્રફ ઘટાડે છે. દરરોજ સૂર્ય નમસ્કાર કરવાથી, તમારા માથા સહિત આખા શરીરમાં રક્ત પરિભ્રમણ સરળ રહે છે. તમે તમારા દિવસની શરૂઆત સૂર્ય નમસ્કારથી શરૂઆત કરી શકો છો અને દરરોજ 10-12 સેટ સુધી પહોંચવાનો પ્રયાસ કરી શકો છો.

હાઇડ્રેટેડ રહો અને તંદુરસ્ત ખાવ

પૂરતા પ્રમાણમાં પાણી પીવો. આ ડેન્ડ્રફની સમસ્યાને દૂર કરશે, સાથે અન્ય સ્વાસ્થ્ય સંબંધિત સમસ્યાઓને પણ દૂર કરવામાં મદદ કરશે. તેથી હાઇડ્રેટેડ રહો. આ માટે તમે નાળિયેર પાણી અને તાજા રસનું પણ સેવન કરી શકો છો. આ માટે મોસમી ફળો અને શાકભાજી ખાઓ.

આ ઘરેલુ ઉપચાર સંપૂર્ણપણે કુદરતી છે અને આ ઉપાયથી તમારા વાળ પર કોઈ આડઅસર નહીં થાય. પરંતુ જો અહીં જણાવેલી કોઈપણ ચીજોમાંથી તમને એલર્જી હોય, તો આ ચીજોનો ઉપયોગ કરવાનું ટાળો.