જો તમે પણ ખાલી પેટે ચા અને કોફી પીતા હોવ તો હવે કરી દેજો બંધ, નહિં તો…

ભારતમાં મોટાભાગના લોકોના દિવસની શરૂઆત ચા અથવા કોફીના સેવનથી થાય છે.કદાચ તમે પણ સવારમાં તાજગી અનુભવવા ચા અથવા કોફીનું સેવન કરતા જ હસો.જેમ શ્વાસ લેવું જરૂરી છે એવી જ રીતે લગભગ દરેક લોકો માટે સવારમાં ચા અને કોફીનું સેવન જરૂરી છે.ઘણા લોકોને ખબર છે કે ઉઠતા જ ચા અથવા કોફીનું સેવન એ ખરાબ ટેવ છે,જ્યારે ઘણા લોકોને હજી સુધી ખબર નથી કે ભૂખ્યા પેટ ચા અથવા કોફીનું સેવન એ સ્વાસ્થ્ય માટે હાનિકારક છે.

હજી પણ મોટાભાગના લોકો જાણતા નથી કે ચા અથવા કોફી પીતા પહેલા એક ગ્લાસ પાણી પીવું જોઈએ.એક સંશોધન પરથી બહાર આવ્યું છે કે સવારે ઉઠતાની સાથે જ અથવા તો ભૂખ્યા પેટ પર ચા અથવા કોફીનું સેવન કરવાથી શારીરિક ઘણી સમસ્યાઓ થઈ શકે છે.તો ચાલો અમે તમને જણાવીએ કે ભૂખ્યા પેટ ચા-કોફીના સેવનથી શું નુકસાન થઈ શકે છે.

જો તમે ખાલી પેટ પર ચા અથવા કોફીનું સેવન કરો છો,તો તમને ઊંઘમાં તકલીફ થઈ શકે છે કોફી પીવાથી તેમાં રહેલ કેફીન ઊંઘ પર અસર કરે છે.
ખાલી પેટ અથવા મોટી માત્રામાં કોફી પીવાથી સ્ટ્રેઇન હોર્મોન બહાર આવે છે,જે તાણ અને અસ્વસ્થતાને વધારે છે.

ખાલી પેટ પર ચા પીવાથી એસિડિટી અને ગેસની સમસ્યા થઈ શકે છે.

જો ચા અથવા કોફીનું સેવન ખાલી પેટ કરવામાં આવે,તો તે શરીરમાં પાચન શક્તિને અસર કરે છે અને તેનાથી કબજિયાત જેવી સમસ્યા થઈ શકે છે.
ખાલી પેટ ચા અથવા કોફીનું સેવન એ પેટમાં અલ્સર પેદા કરી શકે છે અથવા તો કેન્સરનું કારણ પણ બની શકે છે.જો તમે ચા અથવા કોફી પહેલાં પાણી પિવ છો તો તે શરીરમાં એસિડનું સ્તર ઘટાડે છે સાથે તે પેટના રોગોનું જોખમ ઘટાડીને શરીરને સ્વસ્થ રાખે છે.

ખાલી પેટ પર ચા અથવા કોફીનું સેવન કરવાથી દાંતની સમસ્યાઓ વધી શકે છે.આ સમસ્યા દૂર કરવા માટે તમે ચા અથવા કોફીનું સેવન કરતા પેહલા માત્ર એક ગ્લાસ પાણી પીઓ.પાણી દાંત પર એસિડની અસરોથી પણ બચાવે છે.પૂરતા પ્રમાણમાં પાણી પીવાથી શરીરમાં ભેજ રહે છે અને શરીરમાંથી ઝેરી પદાર્થો બહાર આવે છે.

બાળકોને ક્યારેય પણ ખાલી પેટ ચા અથવા કોફી ન પીવડાવવા જોઈએ.આ બાળક માટે ઘણા ગેરફાયદાઓ પેદા કરી શકે છે,જેમાંથી એક અનિદ્રા છે.જી હા વધુ કોફી અથવા ચાનું સેવન કરવાથી બાળકોમાં ઊંઘ ન આવવાની સમસ્યા થઈ શકે છે,જેની અસર તેમની મગજની ક્ષમતા પર પણ થાય છે.

નાની ઉંમરથી જ વધુ ચા અથવા કોફીનું સેવન કરવાથી બાળકોમાં જાડાપણું અને તેની સાથે સંકળાયેલી અન્ય સમસ્યાઓ થઈ શકે છે.તેમજ તેમને હાઈ બ્લડ પ્રેશરની સમસ્યા પણ નાની ઉંમરે જ થઈ શકે છે.

વધુ પડતા ચા અને કોફી પીવાથી બાળકોને વારંવાર યુરિન જવાની સમસ્યાઓ થાય છે,જેનાથી શરીરમાં પાણીનો અભાવ થઈ શકે છે.ઉપરાંત કેલ્શિયમનું બિનજરૂરી ઉત્સર્જન પણ થઈ શકે છે,જેનાથી હાડકાં નબળા પડી શકે છે.

બાળકોમાં ચા અને કોફી પીવાના ગેરફાયદાઓમાં એક ગેરફાયદો એ પણ છે કે તે પીધા પછી બાળકને ભૂખ ઓછી લાગે છે,જે પોષણના ઉણપનું કારણ બની શકે છે.તેથી બાળકો,યુવાનો અથવા વૃદ્ધો કોઈપણ ઉંમરના લોકોએ ચા અથવા કોફીનું સેવન વધુ અને ભૂખ્યા પેટ ન કરવું જોઈએ.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ –

આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.

આપણું પેજ “હેલ્થ ગુજરાત” માણતા રહો અને શેર કરતા રહો!

આપના સહકારની આશા સહ,

ટીમ હેલ્થ ગુજરાત